×
A
A
A
Sazlamalar

Hindistanın Baş naziri QUAD-ın sammitində iştirak etmək üçün Tokioya gəlib

Tokio, 23 may, AZƏRTAC

Hindistanın Baş naziri Narendra Modi mayın 23-də Təhlükəsizlik üzrə dördtərəfli dialoq (QUAD) ölkələri liderlərinin sammitində iştirak etmək üçün Tokioya gəlib.
AZƏRTAC xəbər verir ki, mayın 24-də onun Yaponiya, ABŞ və Avstraliya liderləri ilə görüşəcəyi bildirilir.
Qeyd edilir ki, Rusiya ilə dost münasibətlərinin anlaşılmasına çalışan Hindistan özünün demokratik dəyərlərə sadiq olduğunu təsdiq etməyə səy göstərəcək.
Xatırladaq ki, Rusiyanın xarici işlər naziri Sergey Lavrov ötən ay Nyu-Dehliyə səfər edərək, Ukraynada baş verənlər fonunda iki ölkə arasında əməkdaşlıq münasibətlərini təsdiq etməyə çalışıb.

Vüqar Ağayev
AZƏRTAC-ın xüsusi müxbiri
Tokio

 

Dünya 2022-05-23 11:56:00