×
A
A
A
Sazlamalar

Yaponiyanın şimal-şərqində 5,8 bal gücündə zəlzələ olub

Tokio, 22 may, AZƏRTAC

Mayın 22-də yerli vaxtla 12:24 dəqiqədə Yaponiyanın şimal şərqində 5,8 bal gücündə zəlzələ baş verib.
AZƏRTAC xəbər verir ki, bu barədə Yaponiya Meteorologiya Agentliyi məlumat yayıb.
Yeraltı təkanların episentrinin Fukusima prefekturasının sahillərində, ocağının 30 kilometr dərinlikdə yerləşdiyi qeyd olunur.
Dağıntılar və zərərçəkənlər barədə məlumat verilmir. Qəzalı vəziyyətdə olan “Fukusima-1” AES-in operatorunun yaydığı məlumata görə, stansiya ərazisində ştatdankənar vəziyyət qeydə alınmayıb.
Yeraltı təkanlar Yaponiyanın şimalında və şimal-şərqində yerləşən prefekturalarda da hiss edilib.
Vüqar Ağayev
AZƏRTAC-ın xüsusi müxbiri
Tokio

Dünya 2022-05-22 10:09:00