Tbilisi, 21 may, AZƏRTAC

Gürcüstanın Zalqa rayonu ərazisində uzunluğu 240 metr olan unikal, şüşəli körpü tikilib.
AZƏRTAC xəbər verir ki, Zalqa rayonunun Daşbaş kanyonu üzərində tikilən körpünün iyunun 15-də istifadəyə veriləcəyi gözlənilir. Dağ yamaclarının birləşdirəcək körpü dərin dərələrin üstündən keçir. Şüşə körpüdə şüşəli kafe-bar da fəaliyyət göstərəcək. Bundan əlavə, burada Ziyarətçi mərkəzi, kanyona giriş yolları, parkinq, yelləncəklər, velosiped yolları, kotteclər və otel kompleksi də olacaq.
Layihənin ümumi dəyəri 50 milyon laridən çoxdur.