Hindistanda daşqınlar 14 nəfərin həyatına son qoyub
Bakı, 21 may, AZƏRTAC
Hindistan şimal-şərqində yerləşən Assam ştatında bir həftəyə yaxın yağan aramsız leysanın səbəb olduğu daşqınlarda ölənlərin sayı 14 nəfərə çatıb, 7 nəfər itkin düşüb.
AZƏRTAC xəbər verir ki, bu barədə NDTV telekanalı ştatın təbii fəlakətlərlə mübarizə idarəsinə istinadla məlumat yayıb.
Məlumata görə, təbii fəlakətdən Assam ştatının 29 dairəsində 700 min sakin ziyan çəkib. Həmçinin 2,2 min kənd su altında qalıb. Xilasetmə əməliyyatına Hindistan Hərbi Hava Qüvvələrinin helikopterləri cəlb olunub. Bir çox yaşayış məntəqələrinə yerüstü yolla getmək mümkün deyil. İnsanlar çadır düşərgələrə təxliyə edilir.
“Telegram”da yeni funksiyalar olacaq
Rəcəb Tayyib Ərdoğan may ayında Vaşinqtona səfər edəcək
Türkiyədə bələdiyyə seçkilərinə hazırlıq başa çatıb
Almaniyada kimlər daha çox pensiya alır?
Pasxa ərəfəsində Fransada təhlükəsizlik tədbirləri gücləndirilir