Ağdam, 21 may, Tahir Ağaməmmədov, AZƏRTAC

Ağdamda gördüyümüz mənzərə çox dəhşətlidir. Evlər, məzarlıqlar dağıdılıb. Gördüklərimizə inana bilmirik.
Bunu AZƏRTAC-ın bölgə müxbirinə açıqlamasında Qərbi Gürcüstan Müsəlmanlar İdarəsinin müftisi Adam Şantadze deyib.
O, işğaldan azad edilmiş ərazilərin tezliklə bərpa olunacağına əminliyini ifadə edib: “Biz ümid edirik ki, işğaldan azad olunmuş ərazilər daha gözəlləşəcək, daha da abadlaşacaq. Allah üzücü və qorxunc hadisələri bir daha göstərməsin. Allah bütün şəhidlərə rəhmət eləsin!”.