“Sağlamlıq üçün Həmrəylik Təşəbbüsü” çərçivəsində keçirilən tədbirlər yekunlaşıb
Bakı, 21 may, AZƏRTAC
Avropa İttifaqı (Aİ) və Ümumdünya Səhiyyə Təşkilatının (ÜST) birgə layihəsi olan "Sağlamlıq üçün Həmrəylik Təşəbbüsü" çərçivəsində Tibbi Ərazi Bölmələrini İdarəetmə Birliyinin (TƏBİB) təklifi və dəstəyi ilə xəstəxanalarda oksigen təchizatı və istifadəsinin qiymətləndirilməsi yekunlaşıb.
AZƏRTAC TƏBİB-in rəsmi feysbuk səhifəsinə istinadla bildirir ki, Bakı, Sumqayıt və Şamaxıda yerləşən 7 xəstəxana, o cümlədən 2 modul xəstəxanada oksigen təchizatı və istifadəsinin qiymətləndirilməsi məqsədilə ÜST-nin həyata keçirdiyi dördgünlük missiya zamanı seçilmiş xəstəxanalarda oksigenin təchizat sistemi və istifadəsinin təhlükəsizliyi, habelə reanimasiya şöbələrində oksigen müalicəsinin tətbiqi qiymətləndirilib.
Missiyanın sonunda TƏBİB ilə birlikdə oksigen təchizatı və istifadəsi üzrə xəstəxanalara dəstək imkanlarının, həmçinin milli təlimatların hazırlanması müzakirə edilib. Görüşdə ilkin nəticələrin və müzakirələrin plenar təqdimatı keçirilib.
Tədbirdə TƏBİB-in İdarə Heyəti sədrinin müşaviri Firəngiz Əliyeva və struktur bölmə rəhbərləri iştirak ediblər.
İştirakçılar xəstəxanalarda oksigen təchizatı və istifadəsinin qiymətləndirilməsinin təcrübə mübadiləsi və cari işlərin birgə təhlilinin təmin edilməsi baxımından ölkə üçün son dərəcə önəmli olduğunu bir daha qeyd ediblər.
Ötən həftə Azərbaycanda COVID-19 əleyhinə 70 doza vaksin vurulub
Ötən həftə Azərbaycanda COVID-19 infeksiyasına 111 yoluxma faktı qeydə alınıb
COVID-19-un yeni variantı daha yüksək mutasiya qabiliyyətinə malikdir
COVID-19-un EQ.5 mutasiyasından qorunmaq üçün sadə gigiyenik qaydalara əməl etmək lazımdır
Çexiyalı kardioloqlar aritmiyanın müalicəsində yeni üsul hazırlayıblar