Bakı, 20 may, AZƏRTAC

Bakı Şəhər Mədəniyyət Baş İdarəsinin Niyazi adına 22 nömrəli uşaq musiqi məktəbinin şagirdi Fatimə Hüseynova “ART Planet” VIII Beynəlxalq İncəsənət Müsabiqəsində uğurla çıxış edib.
Baş İdarədən AZƏRTAC-a bildirilib ki, müsabiqədə Fatimə Hüseynova Qara Qarayevin “Fikirli” əsərini məharətlə ifa edib. Münsiflər heyətinin qərarı ilə o, birinci yerə layiq görülüb.
İstedadlı şagirdin müəllimi Ləman Əhədova isə təşəkkürnamə məktubu alıb.