Qətər XİN: Doha Rusiya ilə yeni layihələr planlaşdırmır
Bakı, 20 may, AZƏRTAC
Qətər Rusiyada həyata keçiriləcək yeni layihələrdə iştirak etmək niyyətində deyil.
AZƏRTAC xəbər verir ki, bu barədə Qətərin xarici işlər naziri və baş nazirin müavini şeyx Məhəmməd bin Əbdül Rəhman Al Tani Almaniyanın “Handelsblatt” qəzetinə müsahibəsində deyib.
Eyni zamanda, Qətərin Rusiyada davam edən layihələrdən çıxıb-çıxmayacağına dair suala birbaşa cavab verməkdən yayınan Əbdül Rəhman Əl Tani “Qatar Investment Authority” (QİA) fondunun uzunmüddətli sərmayədar olduğunu və siyasi deyil, kommersiya əsasında sərmayə qoyduğunu vurğulayıb. O, həmçinin Ukrayna ətrafında yaranan vəziyyətin qısa zaman ərzində dəyişəcəyinə ümidvar olduğunu bildirib.
QİA fondunun bütün sanksiyalara əməl etməsi üzərində nəzarətin olduğunu deyən Qətərin xarici işlər naziri ABŞ və Avropa ilə xoş münasibətlər saxlamaqla yanaşı, Çin, Rusiya və digər ölkələrlə də balanslaşdırılmış siyasət yürütməyə çalışdıqlarını qeyd edib.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır