Bakı, 19 may, AZƏRTAC
Səbail Rayon Polis İdarəsinin 41-ci polis bölməsinə mayın 17-də saat 23 radələrində Salyan şosesində yolu keçən Hacıqabul rayon sakini F.Cavadovun avtomobillə vurulması barədə məlumat daxil olub.
Daxili İşlər Nazirliyinin mətbuat xidmətindən AZƏRTAC-a bildiriblər ki, piyadaya xəstəxanada ilkin tibbi yardım göstərildikdən sonra evə buraxılıb.
Polis əməkdaşlarının keçirdikləri əməliyyat-axtarış tədbirləri nəticəsində yol-nəqliyyat hadisəsinin “Ford” markalı avtomobillə törədilməsi müəyyənləşdirilib və həmin nəqliyyat vasitəsini idarə edən Kəlbəcər rayon sakini Məzahir Məmmədov saxlanılıb.
Faktla bağlı Səbail Rayon Polis İdarəsində araşdırma aparılır.