Bakı, 14 may, AZƏRTAC

Təhsil Nazirliyinin əməkdaşları arasında 28 May – Müstəqillik Gününə həsr olunan futbol turnirinə start verilib.
Bu barədə AZƏRTAC-a Təhsil Nazirliyindən məlumat verilib. Bildirilib ki, 10 komandanın mübarizə apardığı yarışlara mayın 27-də yekun vurulacaq.
Qeyd edək ki, futbol turnirinin keçirilməsində məqsəd əməkdaşlar arasında komanda ruhunu gücləndirmək, onların asudə vaxtını birlikdə səmərəli təşkil etmək və sağlam həyat tərzinə istiqamətləndirməkdən ibarətdir.