Bakı, 14 may, AZƏRTAC
Azərbaycan Dövlət İqtisad Universiteti (UNEC) TGT və Azərbaycan Tələbə Gənclər Təşkilatları İttifaqının birgə təşəbbüsü ilə “Uğurlu biznesi necə qurmalı?” mövzusunda seminar keçirib.
UNEC-dən AZƏRTAC-a bildirilib ki, seminarda UNEC Rus İqtisad Məktəbinin tələbəsi, sosial media üzrə mütəxəssis İmran Şıxlinski və marketinq üzrə mütəxəssis Azər Qurbanov tələbələrə marketinq, sosial şəbəkələrdə açar alətlərdən istifadə və s. barədə öz təcrübələrini bölüşüb, həmçinin uğurlu biznes qurmağın önəmli məqamlarını açıqlayıblar.
Tədbirdə tələbələri maraqlandıran suallar cavablandırılıb.