BDU-da təlim: Banklarda audit işinin təşkili
Bakı, 14 may, AZƏRTAC
Bakı Dövlət Universiteti (BDU) və “Azərbaycan Beynəlxalq Bankı”nın (ABB) birgə təşkilatçılığı ilə tələbələr üçün “Banklarda audit işinin təşkili” mövzusunda növbəti təlim keçirilib.
BDU-dan AZƏRTAC-a bildirilib ki, tədbiri giriş sözü ilə açan BDU-nun Karyera və məzunlarla əlaqə sektorunun müdiri Vasif Həsənov bank sektorunda sürətli inkişafın mövcud əmək bazarının tələblərinə uyğun olaraq tələbə və məzunların karyera imkanlarını daha da genişləndirdiyini qeyd edib.
Bankın İşə qəbul şöbəsinin müdiri Orxan Əliyev öz karyera həyatında ABB-nin tutduğu xüsusi yeri qeyd edib və tələbələr üçün banklarda mövcud olan imkanlardan danışıb.
Bankın Daxili audit departamentinin meneceri Nicat Qasımov banklarda audit işinin təşkili prinsiplərini açıqlayıb.
Görüşdə BDU təhsilalanlarının əmək bazarının yeni ixtisaslarına adaptasiyası, yumşaq bacarıqlarının yaxşılaşdırılması məqsədilə bank tərəfindən müxtəlif istiqamətlərdə təcrübə mübadiləsi sessiyalarının keçirilməsi, istehsalat və ya könüllü təcrübə proqramlarının təşkili məsələləri də müzakirə olunub.
Sonda tələbələrin mövzu ilə bağlı sualları cavablandırılıb.
Dövlət İmtahan Mərkəzi: 12 minə yaxın subbakalavr ərizəsini təsdiq edib
Xarici dil imtahanına qeydiyyat yekunlaşır
Doqquz illik təhsil bazasında Azərbaycan dili imtahanı vermək üçün 129 nəfər qeydiyyatdan keçib
AMEA-da Türkiyə Elmi və Texnoloji Tədqiqat Şurasının vitse-prezidenti ilə görüş olub
Altı şəhər və rayonda magistraturaya qəbul imtahanı (ikinci cəhd) keçirilir