İmişli, 14 may, Aydın Yavərzadə, AZƏRTAC
Bu ilin yanvar-mart aylarında İmişli rayonunda bütün maliyyə mənbələrindən əsas kapitala 8 milyon 542,2 min manat investisiya yönəldilib. Bu, əvvəlki ilin müvafiq dövründən 3 milyon 625,7 min manat, yəni 73,7 faiz çoxdur. Əsas kapitala yönəldilmiş investisiyanın 6 milyon 814,1 min manatı, yəni 79,8 faizi dövlət, 1 milyon 728,1 min manatı, yəni 20,2 faizi qeyri-dövlət mülkiyyətinə aiddir.
İmişli Rayon Statistika İdarəsindən AZƏRTAC-ın bölgə müxbirinə verilən məlumata görə, əsas kapitala yönəldilmiş investisiyanın 7 milyon 162,7 min manatını (83,8 faizini) tikinti quraşdırma işləri təşkil edib. 2022-ci ilin yanvar-mart aylarında bu göstərici əvvəlki ilin müvafiq dövrü ilə müqayisədə 3 milyon 687.5 min manat və ya 2,1dəfə artıb. Podratçı təşkilatlar tərəfindən 17 milyon 909,1 min manatlıq tikinti-quraşdırma işləri görülüb ki, bu da keçən ilin müvafiq dövründən 24,9 dəfə, yəni 17 milyon 188,8 min manat çox olub.