Azərbaycan komandası Amerikada keçirilən robototexnika yarışmasında yüksək nəticə göstərib
Bakı, 13 may, AZƏRTAC
Amerika Birləşmiş Ştatlarında keçirilən “VEX Robotics World Championship 2022” yarışmasında ölkəmizi təmsil edən komanda böyük uğura imza atıb.
Bu barədə AZƏRTAC-a Təhsil Nazirliyindən məlumat verilib. Bildirilib ki, “Ginnesin Rekordlar Kitabı”na dünyanın ən böyük robototexnika yarışması kimi düşən “VEX Robotics World Championship 2022”də Azərbaycan komandası göstərdiyi nəticələrə görə divizionun “Energy Team” kubokunu qazanıb.
Ölkəmizi yarışda təmsil edən komandamız yarışdığı divizionda 20 ən yaxşı komanda siyahısına daxil olaraq finala qatılıb və VI yerdə qərarlaşıb.
Qeyd edək ki, yarışlarda 50-yə yaxın ölkədən 4 min 800 komanda, 15 minə yaxın şagird iştirak edib. Azərbaycan Təhsil Nazirliyinin dəstəyi ilə robototexnika üzrə dünya çempionatında ilk dəfə təmsil olunub.
Süni intellekt texnologiyalarının iqtisadiyyata transformasiyası problemləri tədqiq olunur
Kvant mexanizmi ilə beyin funksiyalarını sərgiləyən süni zəka modeli yaradılıb
Balaca bir damcı hər şeyi dəyişəcək: nanosensor istehsalında inqilab
Kibertəhlükəsizlikdə sıçrayış: yeni şifrələmə sistemi kompüteri casus proqramlarından qoruyur
Böyük Britaniyada ilk dronlu poçt texnologiyası sınaqdan keçirilib