Bakıda keçirilən yelkənli qayıq üzrə “Bahar kuboku” yarışının qalibləri bəlli olub
Bakı, 10 may, Nicat Məmmədov, AZƏRTAC
Bakıda yelkənli qayıq üzrə “Bahar kuboku” yarışı keçirilib.
Azərbaycan Yelkən Federasiyasının mətbuat xidmətindən AZƏRTAC-a verilən məlumata görə, ulu öndər Heydər Əliyevin anadan olmasının 99-cu ildönümünə həsr edilən yarışın ilk günü dənizdə müşahidə edilən güclü dalğa səbəbindən mayın 9-da baş tutub.
Turnirdə optimist ümumi və ILCA-4 sinfinin şagirdləri iştirak ediblər. Optimist ümumi sinfindən 11 və ILCA-4 sinfindən 5 şagird mübarizə aparıb. ILCA-4 sinfindən türkiyəli Dario Dəniz Ergun da yarışa qatılıb.
Optimist ümumi sinfindən Fidan Ağazadə birinci, Kristina Kərimova ikinci, Davud Babazadə üçüncü yeri tutub.
Optimist qızlar sinfindən isə Fidan Ağazadə, Kristina Kərimova və Nəzrin Məmmədova ilk üçlükdə yer alıblar. ILCA 4 sinfindən İsmail Kərimov bütün rəqiblərini qabaqlayaraq fəxri kürsün ən yüksək pilləsinə qalxıb. Türkiyəli Dario Dəniz Ergun və Sehavet Azimov növbəti pillələrdə yer alıblar.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir