Bakı, 5 may, AZƏRTAC

Abşeron Rayon Polis İdarəsinə Nübar yaşayış sahəsindəki rayonun kommunal idarəsinə məxsus tikilidən 1200 manat dəyərində otbiçən aparat, plastik boru yapışdıran aparat və elektrik naqili oğurlanması barədə müraciət daxil olub.
Daxili İşlər Nazirliyinin mətbuat xidmətindən AZƏRTAC-a bildiriblər ki, polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Eltun Həsənov, əvvəllər məhkum olunmuş Əmrah Qurbanov və Orxan Həsənov müəyyənləşdirilərək saxlanılıb.
Faktla bağlı araşdırma aparılır.