×
A
A
A
Sazlamalar

Xırdalan şəhərində əvvəllər məhkum olunmuş şəxsdə narkotik vasitə aşkarlanaraq götürülüb

Bakı, 4 may, AZƏRTAC

Mayın 3-də Baş Mühafizə İdarəsinin əməkdaşları tərəfindən Xırdalan şəhəri ərazisində özünü şübhəli aparan şəxs saxlanılaraq Abşeron Rayon Polis İdarəsinə təhvil verilib.
Daxili İşlər Nazirliyinin mətbuat xidmətindən AZƏRTAC-a bildiriblər ki, araşdırmalarla onun Bakı şəhər sakini, əvvəllər narkotiklərlə əlaqəli cinayətə görə məhkum olunmuş Rəşad Ağayev olması müəyyənləşdirilib.
Şəxsi axtarış zamanı Rəşad Ağayevdən 68 qramdan çox heroin, 31 qrama yaxın metamfetamin, tiryək, həmçinin 3050 manat məbləğində pul və 2 ədəd mobil telefon aşkarlanaraq götürülüb.
Faktla bağlı rayon polis idarəsi tərəfindən araşdırma aparılır.

 

Hadisə 2022-05-04 13:29:00