×
A
A
A
Sazlamalar

Nərimanov rayonunda sexdən 6 min manat dəyərində əlvan metal oğurlanıb

Bakı, 4 may, AZƏRTAC

Nərimanov Rayon Polis İdarəsinin 17-ci polis şöbəsinə mayın 1-nə keçən gecə rayon ərazisindəki sexlərin birindən 6 min manat dəyərində əlvan metalın oğurlanması barədə müraciət daxil olub.
Daxili İşlər Nazirliyinin mətbuat xidmətindən AZƏRTAC-a bildiriblər ki, polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Bakı şəhər sakini, əvvəllər məhkum olunmuş Nizaməddin Ağayev müəyyənləşdirilərək saxlanılıb.
Faktla bağlı rayon polis idarəsi tərəfindən təhqiqat davam edir.

 

Hadisə 2022-05-04 13:24:00