Bakı, 4 may, AZƏRTAC

Mayın 4-də saat 04.50-də Daxili İşlər Nazirliyinin (DİN) 102 - Zəng Mərkəzinə mobil telefondan zəng edən şəxs “Ağsu rayonunun Ərəbuşağı kəndindəki orta məktəbdə bomba var” deyərək telefonu qapadıb.
DİN-in mətbuat xidmətindən AZƏRTAC-a bildiriblər ki, dərhal Ağsu Rayon Polis Şöbəsinin əməkdaşları tərəfindən müvafiq tədbirlər həyata keçirilib və məlumat təsdiqini tapmayıb.
Araşdırmalarla telefon zənginin Ərəbuşağı kənd sakini, ruhi xəstə, 23 yaşlı Füzuli Nizamlı tərəfindən edilməsi müəyyən olunub.
Polis əməkdaşlarının keçirdikləri əməliyyat-axtarış tədbirləri nəticəsində o, saxlanılıb.