Bakı, 27 aprel, AZƏRTAC

Cari ilin martında Azərbaycana idxal olunan avtomobillərin sayı 5957 ədəd, dəyəri isə 63 milyon 921 min ABŞ dolları olub.
Dövlət Gömrük Komitəsindən AZƏRTAC-a verilən məlumata görə, keçən ay ölkəyə gətirilən avtomobillərin 3-ü sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitəsi, 5594-ü əsasən adamların daşınması üçün nəzərdə tutulmuş minik avtomobili və digər motorlu nəqliyyat vasitəsi, 344-ü yük daşımaq üçün, 16-sı isə xüsusi təyinatlı motorlu nəqliyyat vasitələridir.