İstanbul, 4 aprel, AZƏRTAC

Azərbaycan Tapşırıq Qrupu Komandanlığının koordinasiyası ilə “Efes-2022” təlimində iştirak edəcək Azərbaycan Ordusunun şəxsi heyəti ilə “Gəmiyə minmə, yaşayış massivlərində döyüş, kəndirdən sürüşmə və sahilə hücum üzrə təlimlər” keçirilib.
AZƏRTAC xəbər verir ki, bu barədə Türkiyənin Milli Müdafiə Nazirliyindən bildirilib.
Qeyd edək ki, Azərbaycan Prezidenti, Silahlı Qüvvələrin Ali Baş Komandanı İlham Əliyevin göstərişinə əsasən, Azərbaycan Ordusunda şəxsi heyətin peşəkarlıq səviyyəsinin artırılması istiqamətində görülən işlər davam etdirilir. Bu çərçivədə Azərbaycan Ordusunun hərbi qulluqçuları Türkiyə Respublikasının İzmir şəhərində keçirilən “Efes-2022” beynəlxalq təlimində iştirak edirlər.
Günel Məlikova
AZƏRTAC-ın xüsusi müxbiri
İstanbul