×
A
A
A
Sazlamalar

Hərbi qulluqçular arasında hərbiləşdirilmiş kross birinciliyi keçirilib

Bakı, 1 aprel, AZƏRTAC

Quru Qoşunlarının 2022-ci il hazırlıq planına uyğun olaraq hərbi qulluqçular arasında hərbiləşdirilmiş kross birinciliyi keçirilib.
Müdafiə Nazirliyinin mətbuat xidmətindən AZƏRTAC-a bildiriblər ki, əvvəlcə ümummilli lider Heydər Əliyevin və ölkəmizin müstəqilliyi, ərazi bütövlüyü uğrunda şəhid olanların xatirəsi bir dəqiqəlik sükutla yad edilib, Azərbaycan Respublikasının Dövlət Himni səsləndirilib.
Qoşun növlərini və birləşmələri təmsil edən 12 komanda birincilik uğrunda mübarizə aparıb.
Hərbi qulluqçular atış, qumbaraatma və kross qaçışı üzrə yarışlarda güclərini sınayıblar.
Yekun nəticələrə əsasən “Kəlbəcər”, “Bərdə” və “Beyləqan” komandaları müvafiq olaraq birinci, ikinci və üçüncü yerlərdə qərarlaşıblar.
Sonda qaliblər diplom, fəxri fərman və medallarla mükafatlandırılıblar.

 

Ordu 2022-04-01 17:10:00