AzTU ilə Sumqayıt Texnologiya Data Mərkəzi arasında əməkdaşlıq davam etdirilir
Bakı, 1 aprel, AZƏRTAC
Azərbaycan Texniki Universiteti (AzTU) ilə “Sumqayıt Texnologiya Data Mərkəzi” MMC (STDC) arasında əməkdaşlıq davam etdirilir.
AzTU-dan AZƏRTAC-a bildirilib ki, əməkdaşlıq çərçivəsində AzTU-nun İnformasiya və telekommunikasiya texnologiyaları və Energetika və avtomatika fakültələrinin bakalavr və magistrant tələbələri “STDC” MMC-nin təşkil etdiyi “Cisco CCNA v7” və “Big data” mövzuları üzrə təlimlərdə iştirak etmək üçün imtahan verib.
Radiotexnika və telekommunikasiya kafedrasının tərkibində yaradılan “STDC İT” laboratoriyasında təşkil edilən imtahanın sualları “STDC” MMC tərəfindən tərtib olunub. İmtahanın gedişinə Radiotexnika və telekommunikasiya kafedrasının, Karyera və Məşğulluq Mərkəzinin, həmçinin “STDC” MMC-nin məsul şəxsləri nəzarət edib.
Qeyd edək ki, “STDC” MMC-nin təlimlərində iştirak üçün 160 tələbə qeydiyyatdan keçib. Onların təlimlərdə iştirakı üçün keçirilən imtahanlar növbəli şəkildə davam etdiriləcək.
Nəticələr elan olunduqdan sonra seçilmiş namizədlər təlimlərdə iştirak hüququ qazanacaqlar.
Süni intellekt texnologiyalarının iqtisadiyyata transformasiyası problemləri tədqiq olunur
Kvant mexanizmi ilə beyin funksiyalarını sərgiləyən süni zəka modeli yaradılıb
Balaca bir damcı hər şeyi dəyişəcək: nanosensor istehsalında inqilab
Kibertəhlükəsizlikdə sıçrayış: yeni şifrələmə sistemi kompüteri casus proqramlarından qoruyur
Böyük Britaniyada ilk dronlu poçt texnologiyası sınaqdan keçirilib