Beyləqan, 31 mart, Tahir Ağaməmmədov, AZƏRTAC

31 Mart soyqırımı qurbanlarının xatirəsi respublikamızın hər bir vətəndaşı kimi, xocavəndlilər tərəfindən də ehtiramla yad edilib.
AZƏRTAC-ın bölgə müxbiri xəbər verir ki, 31 Mart - Azərbaycanlıların Soyqırımı Günü ilə əlaqədar Beyləqan rayonu ərazisindəki Yeni Xocavənd qəsəbəsində şəhidlərin xatirəsinə ucaldılmış “Xatirə Abidə Kompleksi” önündə anım mərasimi keçirilib. Xocavənd Rayon İcra Hakimiyyətinin, hüquq-mühafizə orqanlarının rəhbərləri və ictimaiyyət nümayəndələri abidə kompleksini ziyarət edərək önünə gül dəstələri qoyublar. Soyqırımı qurbanlarının, eləcə də ölkəmizin ərazi bütövlüyü uğrunda şəhid olmuş Vətən övladlarının xatirələri ehtiramla yad olunub, ruhlarına dualar oxunub.