UNEC-də master-klas: Biz iş axtarmırıq, iş yeri açırıq
Bakı, 31 mart, AZƏRTAC
Azərbaycan Dövlət İqtisad Universitetində (UNEC) 2021/2022-ci tədris ilinin “İnformasiya texnologiyaları ili” elan edilməsi ilə bağlı tədbirlər planının icrası məqsədilə Rəqəmsal iqtisadiyyat fakültəsində master-klas keçirilib.
UNEC-dən AZƏRTAC-a bildirilib ki, fakültənin dekanı dosent Elman Cəfərov universitetdə 2021/2022-ci tədris ilinin “İnformasiya texnologiyaları ili” elan edilməsi barədə iştirakçılara məlumat verib.
Sonra “TransEuroCom” MMC-nin baş direktoru, texnika elmləri namizədi Qismət İbrahimov tələbələrə “Biz iş axtarmırıq, iş yeri açırıq” mövzusunda master-klas keçib. O, İKT-nin əsaslarının yaranma tarixi və informasiya mübadiləsi üçün geniş istifadə olunan şəbəkələrin iş prinsipləri, informasiya ötürücülüyü, həmçinin ayrı-ayrı obyektlərdə İKT sahəsində son nəsil GPON və EPON texnologiyalarının strukturu, xüsusiyyətləri və istifadəsinə dair tətbiq nümunələri haqqında məlumat verib.
Görüş zamanı tələbələrin sualları da cavablandırılıb.
Süni intellekt texnologiyalarının iqtisadiyyata transformasiyası problemləri tədqiq olunur
Kvant mexanizmi ilə beyin funksiyalarını sərgiləyən süni zəka modeli yaradılıb
Balaca bir damcı hər şeyi dəyişəcək: nanosensor istehsalında inqilab
Kibertəhlükəsizlikdə sıçrayış: yeni şifrələmə sistemi kompüteri casus proqramlarından qoruyur
Böyük Britaniyada ilk dronlu poçt texnologiyası sınaqdan keçirilib