Türkiyədə “Dinməyən fəryad - Xocalı soyqırımı” mövzusunda konfrans keçirilib
İstanbul, 28 fevral, AZƏRTAC
Türkiyənin Eskişəhər vilayətində "Dinməyən fəryad - Xocalı soyqırımı" mövzusunda konfrans keçirilib.
AZƏRTAC xəbər verir ki, şəhərin Yunus Emre Mədəniyyət və Sənət Mərkəzində baş tutan tədbir Eskişəhər Azərbaycanlıları Dərnəyi tərəfindən təşkil olunub.
Əvvəlcə Azərbaycanın və Türkiyənin Dövlət himnləri səsləndirilib, şəhidlərin xatirəsi bir dəqiqəlik sükutla yad edilib.
Tədbirdə çıxış edənlər Xocalı soyqırımı haqqında iştirakçılara geniş məlumat veriblər, faciənin bütün dövlətlər tərəfindən məhz soyqırımı kimi qəbul edilməsinin və bu qanlı hadisəni törədənlərin qanun qarşısında cavab verməsinin ədalətin təmin olunması baxımından vacibliyini vurğulayıblar.
Mərasim panel iclasla davam etdirilib.
Tədbir əsnasında Xocalı soyqırımını özündə əks etdirən fotoşəkillərdən ibarət sərgi açılıb.
Konfransda Diasporla İş üzrə Dövlət Komitəsi sədrinin birinci müavini Valeh Hacıyev, Türkiyə-Azərbaycan Dərnəkləri Federasiyasının və Türkiyənin Eskişəhər dövlət qurumlarının əməkdaşları iştirak ediblər.
Günel Məlikova
AZƏRTAC-ın xüsusi müxbiri
İstanbul
Xocalı soyqırımı şahidinin xatirələri holland dilində dərc olunub
Xocalı soyqırımının 32-ci ildönümü ilə bağlı ümumukrayna onlayn konfransı keçirilib
Dmitri Savelyev: Xocalı hadisələrinə soyqırımından başqa ad vermək çətindir
Xocalı faciəsi ilə əlaqədar Sloveniyanın paytaxtında maarifləndirmə aksiyası keçirilib
Parisdə “İşgəncələr məbədi - Şuşa həbsxanası” sənədli filmi nümayiş olunub VİDEO