Xocalı soyqırımı qurbanlarının xatirəsi Lüksemburqda anılıb
Bakı, 28 fevral, AZƏRTAC
Lüksemburqda Xocalı soyqırımının 30-cu ildönümü ilə əlaqədar anım tədbiri keçirilib.
Diasporla İş üzrə Dövlət Komitəsindən AZƏRTAC-a bildiriblər ki, Komitənin informasiya dəstəyi və “Qarabağ” Mədəniyyət Assosiasiyasının təşkilatçılığı ilə baş tutan tədbirdə Xocalı soyqırımı qurbanlarının əziz xatirəsi bir dəqiqəlik sükutla yad edilib.
Tədbirdə çıxış edənlər Ermənistan silahlı dəstələrinin Xocalıda dəhşətli soyqırımı törətməsini xalqımıza qarşı uzun illər həyata keçirilən etnik təmizləmə və hərbi təcavüz siyasətinin tərkib hissəsi kimi qiymətləndiriblər. Xocalıda baş verənlərin canlı şahidi olan dinc sakinlərin acı hekayələrini xatırladan soydaşlarımız Azərbaycan xalqının Xocalı faciəsini heç vaxt unutmayacağını və unutdurmayacağını, “Xocalıya ədalət!” tələb etdiklərini nəzərə çatdırıblar.
Tədbir çərçivəsində Xocalı soyqırımı qurbanlarına həsr olunmuş anım guşəsi təşkil edilib.
Bakı Kitab Mərkəzində “Khojaly Scream” kitabının təqdimatı olub
Ombudsman 31 Mart - Azərbaycanlıların Soyqırımı Günü ilə əlaqədar bəyanat yayıb
Xocalı soyqırımının 31-ci ildönümü Aktauda silsilə tədbirlərlə qeyd olunub
Fransa portalı Xocalı soyqırımından bəhs edən məqalə yayıb
Gürcüstan mətbuatı Vyanada Xocalı soyqırımı ilə bağlı aksiyadan yazıb