Ankara, 28 fevral, AZƏRTAC

Xocalı soyqırımının otuzuncu ildönümü ilə əlaqədar Türkiyədə müxtəlif formalarda anma mərasimləri, Azərbaycanla həmrəylik tədbirləri təşkil olunmaqda davam edir.
AZƏRTAC xəbər verir ki, Azərbaycanın Türkiyədəki səfirliyinin təşəbbüsü ilə qardaş ölkənin bir sıra böyük şəhərlərində mərkəzi küçə və meydanlarda lövhələrə “Xocalı-Ədalətin unudulduğu yer” və digər şüarlar yerləşdirilib.
Ankara, Dənizli, Konya və digər böyük şəhər və rayon bələdiyyələrinin ərazilərində yer alan lövhələrdə Xocalı soyqırımı barədə geniş məlumat paylaşılıb.

Sabir Şahtaxtı
AZƏRTAC-ın xüsusi müxbiri
Ankara