“Bütün Pakistan Qəzetləri Cəmiyyəti” Xocalı soyqırımının 30-cu ildönümünə həsr olunan infoqrafikalar yayıb
İslamabad, 27 fevral, AZƏRTAC
Xocalı soyqırımının 30-cu ildönümünün anılması və dünya ictimaiyyətinə çatdırılması məqsədilə “Bütün Pakistan Qəzetləri Cəmiyyəti” (All Pakistan Newspapers Society - APNS) tərəfindən ingilis və urdu dillərində hazırlanan infoqrafikaları Pakistanın bir çox kütləvi informasiya vasitələri dərc edib.
AZƏRTAC xəbər verir ki, infoqrafikaların başlığında Xocalı soyqırımından 30 il keçdiyi qeyd olunur, 26 fevral 1992-ci ildə erməni silahlı qüvvələrinin Azərbaycanın Xocalı şəhərinə daxil olduqları, şəhəri yerlə-yeksan etdikləri və əzəli Azərbaycan torpağının işğala məruz qaldığı bildirilib. İnfoqrafikalarda Xocalı soyqırımı zamanı öldürülən, yaralanan, əsir götürülən insanların, o cümlədən qadın və uşaqların sayı ilə bağlı statistik məlumatlara da yer verilib.
İnfoqrafikalarda Xocalı soyqırımını törədənlərin ədalət qarşısına çıxarılması tələbi də vurğulanıb.
APNS təşkilatı Jang, Dawn, Nawa-i-Waqt kimi böyük informasiya agentlikləri və qəzet qrupları da daxil olmaqla özündə Pakistanın 170-ə yaxın nəşriyyat evini və şirkətini birləşdirir. Sözügedən infoqrafikalar APNS-ə üzv olan əksər Pakistan qəzetlərində yayılıb.
Qulu Kəngərli
AZƏRTAC-ın xüsusi müxbiri
İslamabad
Tariximizin qanlı səhifələrindən biri olan Başlıbel faciəsindən 31 il ötür
“Arab News” qəzeti azərbaycanlıların soyqırımı barədə məqalə dərc edib
Ağdaban faciəsindən 32 il ötür
31 Mart soyqırımının səbəbləri – tarixçi alim şərh edir
Soyqırımı qurbanlarının və şəhidlərimizin qanı yerdə qalmadı