Zərdab, 26 fevral, AZƏRTAC

Zərdabda Xocalı soyqırımının 30-cu ildönümü ilə bağlı silsilə tədbirlər keçirilib.
AZƏRTAC-ın bölgə müxbiri xəbər verir ki, fevralın 26-da keçirilən ümumrayon anım mərasimində rayon rəhbərliyi, ictimaiyyət nümayəndələri Xocalı soyqırımının 30-cu ildönümünə həsr olunan divar qəzetləri, rəsm həvəskarlarının əl işlərindən ibarət sərgi ilə tanış olublar. Sonra Şəhidlərin Xatirə parkı ziyarət edilib. Burada abidənin önünə gül dəstələri qoyularaq, şəhidlərimizin xatirəsi ehtiramla yad olunub.