İndoneziya Jurnalistlər Birliyi Xocalı faciəsinin 30-cu ildönümü ilə əlaqədar bəyanat yayıb
Cakarta, 26 fevral, AZƏRTAC
İndoneziya Jurnalistlər Birliyi (Persatuan Wartawan Indonesia- PWI) Xocalı faciəsinin 30-cu ildönümü ilə əlaqədar bəyanat yayıb.
AZƏRTAC xəbər verir ki, bəyanatın mətnində 1992-ci il fevralın 26-da Azərbaycanın Xocalı şəhərində baş verən faciə barədə məlumat verilir. Qeyd edilir ki, bu hadisə münaqişə və zorakılıq nəticəsində insanların həyatını itirməsinin bəşəriyyətin faciəsi olmasının nümunəsidir.
Qeyd edilir ki, PWI dialoqun təşviqi, insan hüquqlarının, xüsusən mülki şəxslərin şərəf və ləyaqətinin qorunması vasitəsilə münaqişə və zorakılığın sülh yolu ilə həllinin tərəfdarıdır.
Vurğulanır ki, müasir sivilizasiya tolerantlıq, sülhsevərlik və qarşılıqlı hörmət əsasında qurulur. Demokratiyanın dördüncü sütunu hesab edilən jurnalistika və media, bəşər sivilizasiyasının zirvəsinin yaradılmasına, faktların və ictimai məlumatların dərc edilərək yayılmasına töhfələr verir.
Sonda faciənin ildönümü ilə əlaqədar Azərbaycan xalqına və Xocalı faciəsi qurbanlarının ailələrinə başsağlığı verilib.
Vüqar Ağayev
AZƏRTAC-ın xüsusi müxbiri
Cakarta
Xocalı soyqırımı şahidinin xatirələri holland dilində dərc olunub
Xocalı soyqırımının 32-ci ildönümü ilə bağlı ümumukrayna onlayn konfransı keçirilib
Dmitri Savelyev: Xocalı hadisələrinə soyqırımından başqa ad vermək çətindir
Xocalı faciəsi ilə əlaqədar Sloveniyanın paytaxtında maarifləndirmə aksiyası keçirilib
Parisdə “İşgəncələr məbədi - Şuşa həbsxanası” sənədli filmi nümayiş olunub VİDEO