İtaliya Avropa İttifaqı ölkələrinə tətbiq etdiyi səyahət məhdudiyyətlərini yumşaldır
Roma, 28 yanvar, AZƏRTAC
İtaliya koronavirus (COVID-19) epidemiyasının yeni ştamları səbəbindən Avropa İttifaqına (Aİ) üzv ölkələrə tətbiq etdiyi səyahət məhdudiyyətlərini yumşaltmaq qərarına gəlib.
AZƏRTAC xəbər verir ki, İtaliya fevral ayından etibarən Aİ ölkələri üçün məhdudiyyətləri yumşaltmağa başlayacaq.
Səhiyyə naziri Roberto Speranzanın imzaladığı qərara əsasən, fevralın 1-dən etibarən Avropa İttifaqı ölkələrindən İtaliyaya gələnlərdən vaksin sertifikatı və ya COVID-19-dan sağaldıqlarına dair sənəd, eləcə də nəticəsi mənfi olan test (son 48 saat ərzində) tələb olunacaq. Həmçinin 5 günlük karantin tələbi ləğv edilib.
Xatırladaq ki, İtaliya koronavirusun “omikron” ştamının sürətlə yayılmasını əsas gətirərək dekabrın 14-də bir çox ölkəyə, o cümlədən Aİ ölkələrinə səyahət məhdudiyyətləri tətbiq etmişdi.
Nihad Budaqov
AZƏRTAC-ın xüsusi müxbiri
Roma
Ekvadorda enerji böhranı ilə əlaqədar iki ay müddətinə fövqəladə vəziyyət rejimi tətbiq edilib
OLED-displeyləri ilə təchiz edilmiş ilk bank kartı təqdim olunub
Koronavirus infeksiyasının müalicəsi üçün yeni molekul yaradılıb
Bərənin Neapol limanının körpüsünə çırpılması nəticəsində 30-a yaxın insan yaralanıb