İtaliyada prezident seçkilərində səsvermənin dördüncü turu da nəticəsiz qalıb
Roma, 27 yanvar, AZƏRTAC
İtaliyada keçirilən prezident seçkilərinin dördüncü turunda da heç bir namizəd ilk üç turda olduğu kimi lazımi səs sayına çata bilməyib.
AZƏRTAC xəbər verir ki, ölkənin 13-cü prezidentini müəyyən etmək üçün keçirilən seçkilərdə səsvermənin dördüncü turunda nəticə əldə edilməyib. Hazırkı Prezident Sercio Mattarella 166 səslə ən çox səs toplayıb. Boş bülletenlərin sayı 441 olub.
Yanvarın 28-də səsvermənin növbəti turu keçiriləcək. Bu turda səslərin yarıdan çoxunu, yəni, 505 səs yığan namizəd prezident seçiləcək.
Qeyd edək ki, İtaliyada prezident seçkiləri kifayət qədər səs toplanana qədər keçirilir. Bu səsvermə sistemi tətbiq ediləndən bəri seçilmiş 12 prezidentdən yalnız ikisi ilk üç səsvermə turundan sonra seçilib. 1971-ci ildə İtaliyada ən uzun müddətə başa çatan prezident seçkilərində isə Covanni Leone 23 turdan sonra qalib gələ bilmişdi.
Nihad Budaqov
AZƏRTAC-ın xüsusi müxbiri
Roma
Türkiyə və İranın xarici işlər nazirləri regiondakı son vəziyyəti müzakirə ediblər
“World Weather Attribution”: Qərbi Afrikanı görünməmiş istilər bürüyüb
İsveçrədə “tarakanabənzər dron” hazırlanıb