Qarlı-şaxtalı hava taxıl sahələrində gəmiricilərin azalmasına səbəb olub VİDEO
Qusar, 25 yanvar, Elxan Yusifli, AZƏRTAC
Qusar rayonunda bu ilin məhsulu üçün 23 min hektardan çox sahədə taxıl əkilib. Əkin sahələrinin 7040 hektarını suvarılan, 16 min 460 hektarını isə dəmyə ərazilər təşkil edir.
AZƏRTAC-ın bölgə müxbiri xəbər verir ki, hazırda əkin sahələrində təhlükəli zərərverici olan siçanabənzər gəmiricilərə qarşı mübarizə tədbirləri həyata keçirilir. Rayon Bitki Mühafizə Mərkəzinin mütəxəssisləri taxıl sahələrində müşahidələr apardıqdan sonra fermerlərlə birgə operativ tədbirlər görürlər.
Qusar Rayon Bitki Mühafizə Mərkəzinin əməkdaşı Samik Seyidmətov bildirib ki, qış mövsümündə havanın qarlı-şaxtalı keçməsi gəmiricilərin təxminən 30-40 faizədək azalmasına səbəb olub. Gəmiricilərə qarşı bu günədək rayonun Cibir, Düztahir, Nəcəfkənd, Yuxarı Qələnxur, Urva, Avaran və başqa kəndlərində 4950 hektardan çox taxıl sahələrində müşahidələr aparılıb. 2844 hektar sahədə isə dövlət vəsaiti hesabına sink-fosfid preparatı ilə kimyəvi mübarizə tədbirləri həyata keçirilib.
Bitki Mühafizə Mərkəzinin mütəxəssisləri taxılçılıqla məşğul olan fermerlərə və fiziki şəxslərə siçanabənzər gəmiricilərə qarşı mübarizə haqqında məsləhət və tövsiyələr, o cümlədən pestisidlərdən düzgün istifadə qaydaları, habelə istifadə zamanı təhlükəsizlik tədbirləri barədə yazılı məlumatlar verirlər.
Mütəxəssislər yeni əkilən taxıl sahələrində siçanabənzər gəmiricilərin olmasını yay şumunun vaxtında aparılmaması, küləşin sahədən götürülməməsi və şumun səthi aparılması ilə izah edirlər.
Qusarda bu ilin məhsulu üçün 15 min 120 hektar buğda, 7 min 890 hektar arpa əkilib.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb