Bakı, 18 yanvar, AZƏRTAC

Bu gün qadın voleybolçular arasında Azərbaycan Super Liqasında birinci dövrənin növbəti oyunları keçiriləcək.
AZƏRTAC xəbər verir ki, üçüncü tur çərçivəsində ilk olaraq meydana “Azərreyl” və “Murov” komandaları çıxacaqlar. Oyun saat 16:00-da başlayacaq. Bu qarşılaşmadan 2 saat sonra UNEC – “Abşeron” duelinə start veriləcək.
Hər 2 görüş Azərbaycan Voleybol Federasiyasının idman zalında təşkil olunacaq.
Qeyd edək ki, pandemiya səbəbindən karantin qaydalarına uyğun keçirilən oyunlara azarkeşlər buraxılmayacaq.