Bakı, 18 yanvar, AZƏRTAC

Bədii gimnastika üzrə Avstraliya yığma komandasının üzvü Aleksandra Kiroy-Boqatıryova Milli Gimnastika Arenasında təlim-məşq toplanışını davam etdirir.
Azərbaycan Gimnastika Federasiyasının mətbuat xidmətindən AZƏRTAC-a bildiriblər ki, ötən ilin dekabrından Bakıda təlim-məşq toplanışı keçən gimnast yerli idmançılarla birgə hazırlaşır. Gimnastın hazırlıq prosesinə azərbaycanlı məşqçilər nəzarət edirlər.
Avstraliya gimnastının təlim-məşq toplanışına yanvarın sonunda yekun vurulacaq.