Bakı, 17 yanvar, AZƏRTAC

Futzal üzrə Avropa çempionatının final mərhələsinə hazırlaşan Azərbaycan millisi bu gün Belçika yığması ilə yoldaşlıq oyunu keçirib.
AZƏRTAC xəbər verir ki, Borgloon şəhərində təşkil olunan görüş meydan sahiblərinin 5:3 hesablı qələbəsi ilə yekunlaşıb.
Millimizin heyətində Vassoura, Qallo və Bolinha fərqləniblər.
Qeyd edək ki, yanvarın 19-dan fevralın 6-dək Niderlandda keçiriləcək Avropa çempionatının final mərhələsində Azərbaycan millisi D qrupunda mübarizə aparacaq. Yığmamız yanvarın 22-də Gürcüstan, dörd gün sonra İspaniya, ayın 29-da isə Bosniya və Herseqovina ilə qarşılaşacaq.