Bakı, 12 yanvar, AZƏRTAC
AMEA-nın İnformasiya Texnologiyaları İnstitutunda superkompüter texnologiyalarında istifadə edilən proqram təminatları müqayisəli təhlil edilib.
İnstitutdan AZƏRTAC-a bildirilib ki, tədqiqat çərçivəsində proqram və tətbiqi proqramlaşdırma interfeysləri kimi superkompüter arxitekturası növlərinin təsnifatı aparılıb. Tədqiqat zamanı, həmçinin superkompüter texnologiyalarından istifadənin son ili ərzində əməliyyat sisteminin paylanması dinamikasının öyrənilməsində proqram təminatı müqayisəli təhlil edilib. “Linux”, “Cray Linux Environment”, “CentOS”, “SUSE Linux” “Enterprise Server”, “Unicos” və digər sistemlər nəzərdən keçirilib.