Qrid hesablamaları şəbəkələrinə dair tədqiqatlar aparılır
Bakı,13 dekabr, AZƏRTAC
AMEA İnformasiya Texnologiyaları İnstitutunda qrid hesablamaları şəbəkələrinə dair tədqiqatlar aparılır.
İnstitutdan AZƏRTAC-a bildirilib ki, tədqiqat zamanı müxtəlif qrid sistemləri resurslarının monitorinqi sistemləri analiz edilib.
Qrid hesablama internet üzərindən hesablama gücünü və yaddaş resursunu paylaşan sistemlər toplusudur. Qrid tətbiqləri adətən böyük həcmdə məlumat və yaxud hesablamaları əhatə edir.
Superkompüterlərin hesablama gücünün artmasına baxmayaraq, onların köməyilə həll edilə bilməyən bir çox mürəkkəb və resurs tutumlu məsələlər mövcuddur. Bu problem çoxlu sayda coğrafi paylanmış resurslardan istifadə etməklə həll oluna bilər. Bu resursları birləşdirmək üçün qrid hesablama sistemindən istifadə olunur.
Cari problemlərin qarşısını almaq üçün həm real vaxt rejimində məlumatların, həm də hesablama sisteminin məhsuldarlığı və davranışının proqnozlaşdırması üçün məlumatların analizi dəstəklənməlidir.
Süni intellekt texnologiyalarının iqtisadiyyata transformasiyası problemləri tədqiq olunur
Kvant mexanizmi ilə beyin funksiyalarını sərgiləyən süni zəka modeli yaradılıb
Balaca bir damcı hər şeyi dəyişəcək: nanosensor istehsalında inqilab
Kibertəhlükəsizlikdə sıçrayış: yeni şifrələmə sistemi kompüteri casus proqramlarından qoruyur
Böyük Britaniyada ilk dronlu poçt texnologiyası sınaqdan keçirilib