BMT-nin internet idarəçiliyi mövzusunda parlament forumu keçirilib
Bakı, 8 dekabr, AZƏRTAC
Polşanın ev sahibliyi ilə dekabrın 7-8-də BMT-nin İnternet idarəçiliyi mövzusuna həsr edilmiş onlayn parlament forumu keçirilib.
Tədbirdə Milli Məclisin deputatları Nigar Arpadarai və Naqif Həmzəyev iştirak ediblər. Forumda rəqəmsal məkan üçün qanunvericilik yanaşmaları mövzusunda geniş müzakirələr aparılıb.
Parlamentin Mətbuat və ictimaiyyətlə əlaqələr şöbəsindən AZƏRTAC-a bildirilib ki, tədbirin ikinci günündə deputat Nigar Arpadarai “Sosial media sahiblərinin cəmiyyət qarşısında məsuliyyəti, istifadə edilən alqoritmlərin şəffaflığı” mövzusunda çıxış edib.
Deputat müasir dünyada demokratiyanın üzləşdiyi problemlər, bu sahədə internetin və sosial medianın rolu, sosial şəbəkələrdən sui-istifadə, sosial mediada yalan və manipulyasiyalar, sosial media sahiblərinin cavabdehlik mexanizmi, kommersiya maraqlarının məxfiliyi və digər məsələlərlə bağlı fikirlərini açıqlayıb.
ICESCO Ümumdünya Humanitar Yardım Günü münasibətilə müraciət yayıb
Yevlaxda "Milli-mənəvi dəyərlərimiz və azərbaycançılıq ideologiyası" mövzusunda müzakirələr aparılıb
Yay aylarında uşaqların asudə vaxtının səmərəli təşkili məqsədilə tədbirlər davam etdirilir
FHN: Ötən sutka ərzində 92 yanğına çıxış faktı üzrə qəza-xilasetmə əməliyyatları həyata keçirilib