İran, Azərbaycan və Gürcüstan yeni nəqliyyat dəhlizi yaradır
Tehran, 8 dekabr, AZƏRTAC
İran, Azərbaycan və Gürcüstan körfəz ilə Qara dənizi birləşdirən tranzit marşrutunun yaradılması üzrə razılığa gəliblər.
AZƏRTAC xəbər verir ki, bu sözləri İranın Beynəlxalq Tranzit və Yükdaşımalar İdarəsinin baş direktoru Cavad Hidayəti deyib.
O bildirib ki, İranın Şərqi Avropa ölkələrinin bazarlarına çıxışı bu marşrutla həyata keçirilə bilər. Gürcüstan Qara dəniz sahilində 2 böyük limana malikdir. Bu limanlar vasitəsilə yüklər Şərqi Avropa ölkələrinə tez çatdırılır. Yüklər Astara gömrük-keçid məntəqəsindən Azərbaycana, oradan isə Gürcüstanın limanlarına daşınacaq. Burada söhbət Gürcüstanın Batumi və Poti limanlarından gedir ki, bu limanlarında Qara dəniz sahilindəki digər ölkələrin limanları ilə əlaqələri və marşrutları mövcuddur.
Qeyd edək ki, İran körfəz ilə Qara dənizi nəqliyyat baxımından birləşdirərək Şərqi Avropa ölkələri ilə ticarət dövriyyəsini artırmaq niyyətindədir və yüklərin Azərbaycan üzərindən daşımaq istəyi də təsadüfi xarakter daşımır. Məsələnin mahiyyəti ondan ibarətdir ki, müasir nəqliyyat infrastrukturu baxımından Azərbaycan regionun ən inkişaf etmiş dövlətidir. Magistral yolların, limanların, dəmir yolu xətlərinin müasir standartlara uyğun və təhlükəsizliyi təmin olunmaqla yenidən qurulması tranzit yükdaşımalarda ölkəmizə böyük üstünlük qazandırıb. Digər tərəfdən Gürcüstan ilə Azərbaycanın dostluq münasibətləri də dəhlizin açılması üçün zəmin yaradır.
Rabil Kətanov
AZƏRTAC-ın xüsusi müxbiri
Tehran
Barbadosun Baş naziri: COP prezidentləri üçlüyünün yaradılmasını yüksək qiymətləndiririk VİDEO
Azərbaycan BMT ilə əlaqələri və COP29 çərçivəsində əməkdaşlığı müzakirə edib
Azərbaycan neftinin qiyməti artıb
ABŞ-da IEA ilə enerji səmərəliliyi və COP29 üzrə əməkdaşlıq müzakirə edilib
Beynəlxalq Valyuta Fondu COP29-a ev sahibliyi çərçivəsində Azərbaycana dəstək göstərməyə hazırdır