Ağsu, 7 dekabr, AZƏRTAC

Ağsu rayonunda cari mövsümdə 4328,3 ton şəkər çuğunduru istehsal olunub.
Rayon statistika idarəsindən AZƏRTAC-ın bölgə müxbirinə verilən məlumatda bildirilir ki, 2021-ci ilin məhsulu üçün Ağsuda 174 hektarda şəkər çuğunduru əkilmişdi.
Qeyd edək ki, bu gün şəkər çuğunduru istehsalı respublikamızda aqrar sektorun vacib sahələrindəndir. Bu məhsul nəinki emal müəssisəsi, həm də qiymətli yem olan silos və melos mənbəyidir. Təsadüfi deyildir ki, rayonda bu sahəyə maraq artır. Təkcə cari mövsümdə əkin sahələri 114 hektar artıb. İstehsal da müvafiq olaraq ötən ildəkindən 3925,5 ton çox olub. Rayonda şəkər çuğunduru əsasən “Sünbül” MMC və “Aran Aqro” MMC-nin Ağsu filialı tərəfindən yetişdirilib.