Türkiyəli professor Xəzər Universitetində məruzə ilə çıxış edib
Bakı, 7 dekabr, AZƏRTAC
Xəzər Universitetində Dillər və ədəbiyyatlar departamentinin təşkilatçılığı ilə “Nizami Gəncəvi-880” layihəsi çərçivəsində növbəti elmi seminar keçirilib.
Universitetdən AZƏRTAC-a bildirilib ki, seminarın qonağı Ankara Hacı Bayram Veli Universitetinin müəllimi professor Ayşe Yıldız “Türkcə yazılmış “Leyli və Məcnun” məsnəvilərində Nizami Gəncəvinin təsiri” mövzusunda məruzə ilə çıxış edib.
Professor Ayşe Yıldız Anadolu türk şairlərinin - Şahidi, Hamdi, Cəlili və Ahmedi-Rıdvanın yazdıqları “Leyli və Məcnun” məsnəvilərini Nizami Gəncəvinin “Leyli və Məcnun”u ilə forma və məzmun baxımından müqayisə edib.
Sonda tələbələrin sualları cavablandırılıb.
BDU-nun Qazax filialında inklüziv təhsilə dair beynəlxalq konfransın regional bölməsinin iclası olub
IV Azərbaycan Astronomiya Olimpiadasının final mərhələsi keçirilib
“Sabahın alimləri” müsabiqəsində Biləsuvar Təhsil Kompleksinin 6 şagirdi uğur qazanıb
“IT sahəsindəki yolum” mövzusunda təcrübə sessiyasının keçirilməsi planlaşdırılır