“Abşeron florasının taksonomik spektri” kitabı çapdan çıxıb
Bakı, 7 dekabr, AZƏRTAC
AMEA Dendrologiya İnstitutunun direktoru Tofiq Məmmədov, professor Əliyar İbrahimov, dosent Fatmaxanım Nəbiyevanın müəllifi olduqları “Abşeron florasının taksonomik spektri” kitabı nəşr edilib.
İnstitutdan AZƏRTAC-a bildirilib ki, nəşrdə Abşeronun florasının (yabanı, mədəni) bitkiliyinin geobotaniki xüsusiyyətləri öyrənilib, 1800-dən artıq bitki nümunəsi “Herbari” fonduna daxil edilib. Abşeron yarımadasının təbii və mədəni florası təhlil edilərək 183 fəsilə, 967 cins, 2455 növ aşkar olunub. Ərazidə 72 endemik bitki növündən 12 fəsilə, 36 cinsə məxsus olan 50 növün Azərbaycan endemi, 12 fəsilə, 17 cinsdə cəmləşmiş 22 növün Qafqaz endemi və 35 növün relikt bitkilər olduğu müəyyən edilib. Abşeronun müasir florasına 62 fəsilə, 247 cins və 1323 yeni bitki növünün əlavə olunduğu müəyyən olunub ki, bu növlər Azərbaycan Respublikası və bütövlükdə Qafqaz florası üçün yeni növlərdir.
Tədqiqatların nəticəsi olaraq “Abşeron florasının taksonomik spektri” fundamental kitabı botanik, ekoloq və dendroloqlar, tədqiqatçılar, həmçinin ali və orta ixtisas məktəbinin müəllim və tələbələri üçün nəzərdə tutulub.
ADA Universitetində keçirilən “Xəzər Hövzəsi Araşdırmaları” proqramı yekunlaşıb
BDU-da “Gələcəyin alimləri” adlı tələbələrin IX elmi konfransı keçirilib
Ümumi (9 illik) orta təhsil səviyyəsi üzrə keçirilən buraxılış imtahanının nəticələri açıqlanıb
Əqli Mülkiyyət Agentliyində ixtiraçılıq və patent analitikası mövzusunda təlim keçirilib