Şamaxıda şəhidlərin xatirəsinə həsr edilən kitabın təqdimatı keçirilib
Şamaxı, 6 dekabr, AZƏRTAC
Şamaxıda rayon icra hakimiyyətinin təşəbbüsü ilə Mədəniyyət Mərkəzində Sevgili Xanəliyevanın 44 günlük Vətən müharibəsində şəhidlik zirvəsinə ucalan Şamaxı şəhidlərinin əziz xatirəsinə həsr olunan “Ab-ı həyat” adlı kitabının təqdimat mərasimi olub. Tədbirdə rayon icra hakimiyyətinin nümayəndələri, şəhid ailələləri, qazilər və rayon ictimaiyyətinin nümayəndələri iştirak ediblər.
AZƏRTAC-ın bölgə müxbiri xəbər verir ki, əvvəlcə şəhidlərin əziz xatirəsi bir dəqiqəlik sükutla yad olunub. Çıxış edənlər Vətənimizin azadlığı və müstəqilliyi uğrunda canından keçən şəhidlərimizin xatirəsinin xalqımız tərəfindən daim əziz tutulmasından, dövlətimiz tərəfindən şəhid ailələrinə göstərilən diqqət və qayğıdan danışıblar. Şəhidlərimizin adının əbədiləşdirilməsi istiqamətində görülən işlərdən geniş söz açan natiqlər “Ab-ı həyat” kitabının ərsəyə gəlməsini də bu istiqamətdə görülmüş işlərin bir hissəsi olduğunu vurğulayıblar. “Ab-ı həyat” kitabında ölkəmizin müstəqilliyi, torpaqlarımızın müdafiəsi və ərazi bütövlüyü uğrunda İkinci Qarabağ müharibəsində Şamaxı rayonundan olan 43 şəhid haqqında geniş məlumatlar yer alıb.
Tədbirin sonunda "Ab-ı həyat" kitabı şəhid ailələrinə təqdim olunub. Tədbir şəhər məktəblərinin hazırladıqları şeir kompozisiyası ilə başa çatıb.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib