UNEC-də Əziz Səncər adına Qida təhlükəsizliyi laboratoriyasının açılışı olub
Bakı, 6 dekabr, AZƏRTAC
Azərbaycan Dövlət İqtisad Universitetində (UNEC) kimya üzrə Nobel mükafatı laureatı, professor Əziz Səncər adına Qida təhlükəsizliyi laboratoriyasının açılışı olub.
UNEC-dən AZƏRTAC-a bildirilib ki, BP-nin dəstəyi ilə UNEC-in 3 saylı tədris binasında yaradılan laboratoriyanın açılışında Nobel mükafatçısı professor Əziz Səncər, UNEC-in rektoru professor Ədalət Muradov, BP-nin Xəzər regionunda kommunikasiya və xarici əlaqələr üzrə vitse-prezidenti Bəxtiyar Aslanbəyli iştirak ediblər.
Müasir texnologiyalarla və avadanlıqla təchiz olunan laboratoriya ilə tanışlıq zamanı Əziz Səncərə bildirilib ki, laboratoriya “Qida məhsullarının texnologiyası” kafedrasının nəzdində fəaliyyət göstərir. Laboratoriyada elmi-praktik araşdırmalar, tədqiqatlar və ekspertizalar aparılacaq, qida məhsullarının müvafiq standartlara, tələblərə uyğunluğunun qiymətləndirilməsi, eləcə də qida məhsullarının keyfiyyət göstəriciləri üzrə laboratoriya analizi həyata keçiriləcək. Həmçinin qida sahəsində qanunvericiliyin təkmilləşdirilməsi istiqamətində təkliflər, normativ-hüquqi aktlar, metodiki materiallar işlənib-hazırlanacaq, qida məhsullarının texnologiyası sahəsindəki islahatların elmi və praktiki əsaslandırılması aparılacaq.
“Sabahın alimləri” müsabiqəsində Biləsuvar Təhsil Kompleksinin 6 şagirdi uğur qazanıb
“IT sahəsindəki yolum” mövzusunda təcrübə sessiyasının keçirilməsi planlaşdırılır
Bakı Avropa Liseyində Fənlərarası Təlim Proqramının 30 illik yubileyi qeyd olunub
AzTU-nun nizamnamə fondu 29,4 milyon manat olaraq müəyyən edilib
Azərbaycan Texniki Universiteti publik hüquqi şəxsə çevrildi