Filip Ozobiç “Qarabağ”ın heyətində 100-cü oyununu keçirib
Bakı, 30 noyabr, AZƏRTAC
Filip Ozobiç “Qarabağ”ın heyətində 100-cü oyununu keçirib.
AZƏRTAC xəbər verir ki, yarımmüdafiəçinin yubiley matçı Premyer Liqanın XII turuna təsadüf edib. Ağdam klubuna keçməzdən əvvəl şərəfini qoruduğu “Qəbələ”yə qarşı matç onun üçün 100-cü olub. Görüş 0:0 hesabı ilə başa çatıb. Ozobiç 2018-ci ilin yayından formasını geyindiyi “Qarabağ”da keçirdiyi 100 qarşılaşmada 31 qola imza atıb.
O, Premyer Liqada 62 oyunda 27, avrokuboklarda 34 matçda 4 qola imza atıb. Yarımmüdafiəçi Azərbaycan kuboku yarışlarında 4 dəfə meydana çıxıb. Ozobiç “Qarabağ”ın tarixinə 100 və daha çox oyun keçirən 48-ci futbolçu kimi düşüb.
Qeyd edək ki, Filipin “Qarabağ”da debütü 2018-ci il iyulun 11-də “Olimpiya” ilə Sloveniyadakı matça (1:0) təsadüf edib.
"Abşeron" "qızıl set"də "Murov Az Terminal"a qalib gələrək finala yüksəlib
Kişi voleybolçuların Yüksək Liqasında ikinci finalçı bəlli olub
Karlo Ançelotti Qvardiolaya qarşı unikal göstəriciyə imza atıb
Manuel Noyer Çempionlar Liqasının tarixinə düşüb
“Roma” baş məşqçisi Daniele De Rossi ilə bağlı qərarını verib