Bakı, 29 noyabr, AZƏRTAC

On altı yaşadək futbolçulardan ibarət Azərbaycan milli komandasının yoldaşlıq oyunları üçün yekun heyəti açıqlanıb.
AZƏRTAC xəbər verir ki, noyabrın 30-da və dekabrın 2-də Birləşmiş Ərəb Əmirliklərinin U-16 komandası ilə qarşılaşacaq millimizin hazırlıq prosesinə Səlim Həşimov (“Qarabağ”), Sadiq Məmmədzadə (“Səbail”), Musa Məmmədov, Nihad Əliyev, Elgün Arazlı (hamısı “Qarabağ”), Ceyhun Bağırov (“Neftçi”), Əhməd Tanrıverdiyev (“Sabah”), Emil Bünyadzadə (“Qarabağ”), Səbuhi İmaməliyev (“Neftçi”), Allahverdi Rəhimov (“Qəbələ”), Rəhman Tahirli (“Neftçi”), Dinamin Bağırov (“Turan-Tovuz”), Səməd Zallı (“Keşlə”), Davud Mənsumov (“Qarabağ”), Nihat Əhmədzadə (“Sumqayıt”), Cumali Hüseynov (“Qəbələ”), Elton Mikayılov (“Qarabağ”), Murad Məmmədov (“Neftçi”), İlkin Cəfərli (“Qarabağ”), Teymur
Mirzəyev (“Sabah”), İlkin Budaqov (“Qəbələ”) və Niyazi Osmanov (“Sabah”) dəvət olunublar.