Biləsuvar, 27 noyabr, İsmayıl Cəfərli, AZƏRTAC

Biləsuvarda ilk dəfə olaraq hindtoyuğu festivalı keçirilib.
AZƏRTAC-ın bölgə müxbiri xəbər verir ki, festivalda hindtoyuğundan hazırlanmış yerli təamlar nümayiş olunub.
Festivalda respublikanın 50 nəfərdən ibarət ən məşhur aşpaz və dequstatoru da iştirak edib.
Səhər saatlarından başlayan festival çərçivəsində müxtəlif tədbirlər, yerli kənd məhsullarından təşkil olunmuş satış yarmarkaları, rəsm sərgiləri, peşə təmayüllü şagirdlərin əl işlərindən ibarət sərgilər keçirilib.
Sonda ən yaxşı dadlı təamları hazırlayan biləsuvarlılar xüsusi hədiyyələrlə mükafatlandırılıb.