Bakı, 29 oktyabr, AZƏRTAC

NATO-nun Sülh və Təhlükəsizlik naminə Elm Proqramının dəstəyi, AMEA İnformasiya Texnologiyaları İnstitutu və Polşa Milli Nüvə Tədqiqatları Mərkəzinin birgə təşkilatçılığı ilə baş tutan “Sənaye idarəetmə sistemlərinin kibertəhlükəsizliyi problemləri” mövzusunda onlayn beynəlxalq konfransın seksiya iclasları keçirilib.
İnstitutdan AZƏRTAC-a bildirilib ki, seksiya iclaslarında “Qeyri-səlis test metodundan istifadə etməklə proqramlaşdırıla bilən məntiq kontrollerlərinin həssaslığının tədqiqi”, “Açıq nəticəçıxarma şəbəkələri”, “Bulud əsaslı SCADA sistemlərində kibertəhlükəsizlik problemləri”, “Dənizçilik sektoru üçün kibermühit”, “Kvant erasında kibertəhlükəsizlik çağırışları və imkanları”, “Sənaye idarəetmə sistemlərində kiberfiziki infrastrukturlar üçün kompüter insidentlərinin tədqiqi”, “İyerarxik gizli Markov modelinə əsaslanan sənaye idarəetmə sistemində anomaliyaların aşkarlanması”, “Kiberhücumların təhdidləri və mümkün nəticələri” və digər mövzularda məruzələr təqdim olunub.